DOWLADDA TURKIGA OO SOMALIA KA SAMEYNEYSA SALDHIG LAGA HAGO DAYAX GACMEEDYADA IYO IN LAGU TIJAABIYO HUBKA PLASTIC GA AH.

 Turkey waxay dooneysaa goob tijaabo gantaalada ballistic iyo garoonka dayaxa oo ku yaal Soomaaliya.

Turkey waxay wadahadallo la yeelatay Soomaaliya si ay u dejiso goob lagu tijaabiyo gantaalada iyo roketta dayaxa laga ganayao ee ka yimaada dalkaas ku yaal Geeska Afrika, sida ay sheegeen dad xog ogaal ah.

▪︎Barnaamijka gantaalada ballistic ee Ankara wuxuu u baahan yahay tijaabo fog, goobta Soomaaliya ee ku taal cirifka bari ee qaaradda Afrika waa mid ku habboon in laga ganayao gantaalada dhinaca Badweynta Hindiya, sida ay sheegeen dadka xog ogaalka ah, oo codsaday inaan la magacaabin maadaama ay ka hadlayaan mowduucyo xasaasi ah. Dalkaan wuxuu u dhow yahay dhulbaraha, taasoo ka dhigaysa goob ku habboon garoonka dayaxa, ayay yiraahdeen. Tijaabinta agagaarka dhulbaraha waxay sidoo kale ka caawisaa kordhinta fogaanta iyo waxtarka roketta.

▪︎Turkey muddo dheer ayay u hanqal taagaysay inay ka qayb qaadato tartanka hawada ee inta badan ay ka qeyb galaan quwadaha caalamka, qorsheyaal lagu soo saaro roket waa socdeen sanado. Taas oo suurtogal ah in laga ganayao Soomaaliya, ayay yiraahdeen dadka xog ogaalka ah. Mas'uuliyiinta Turkiga way ku kalsoon yihiin in Soomaaliya ay aqbali doonto codsigaas, dadkaas ayaa intaas ku daray. Wasaaradda difaaca ee Turkiga way ka gaabsatay inay faallo ka bixiso.

Hussein Sheikh-Ali, la-taliyaha amniga qaranka ee madaxweynaha Soomaaliya Hassan Sheikh Mohamud, wuu ka gaabsaday faallo markii lagu wacay taleefanka Talaadadii. Guddoomiyaha guddiga hoosaadka difaaca ee baarlamaanka, Abdi Ahmed Koshin, wuxuu sheegay inuusan ka warqabin wax heshiis ah oo Turkiga lala galay.

▪︎Turkey waxay ku howlaneyd kordhinta fogaanta gantaalada tayfun ee gudaha laga sameeyay, oo ka fogaan jiray ilaa 560 kiiloomitir (350 mayl), sida uu sheegay Madaxweyne Recep Tayyip Erdogan 2022. Goobta laga ganayao Soomaaliya waxay meesha ka saari lahayd khatarta burburka ku dhici kara deegaanada dadweynaha iyo wadamada kale, sida ay yiraahdeen dadka xog ogaalka ah.

▪︎Turkey waxay ka mid tahay quwadaha shisheeye ee xoogga saaraya xoojinta xiriirka ay la leedahay Soomaaliya xilli uu dalka isku dayayo inuu dib uga soo kabto sanado dagaallo sokeeye ah. Tobankii sano ee la soo dhaafay, Turkey waxay balaadhisay saameynteeda iyada oo loo marayo iskaashiga difaaca iyo mashaariicda kaabayaasha, waxayna qorshaynaysaa sahaminta kheyraadka shidaalka. Waxay ku lug leedahay dhexdhexaadinta dowladda Muqdisho, caasimadda, iyo madaxda Somaliland, oo ah gobolka is-maamula.

Turkey, oo ay weheliyaan Imaaraadka iyo Masar, waxay ka mid yihiin awoodaha dhexe ee ku sii fidaya Afrika maadaama maalgelinta Shiinaha ay hoos u dhacayso iyo Mareykanka oo isku dayaya inuu ka daba yimaado.

Inkasta oo Ruushka uu astaan u noqday dareenka ka dhanka ah reer galbeedka meelo badan, calooshood u shaqeystayaasha kooxda Wagner ee Ruushka lagama jecla sidii loo jecel yahay diyaaradaha aan duuliyaha lahayn ee TB2 Baykar ee Turkiga, oo 11 wadan oo Afrikaan ah ay iibsadeen.

▪︎Turkey waxay ku sii xoogaysanaysay dalkaan ku yaalla geeska Afrika tan iyo markii Erdogan uu booqday